३५२) पर्याय – एक चिंतन

३५२) पर्याय – एक चिंतन

आपले आयुष्य म्हणजे समोर येणाऱ्या प्रत्येक क्षणातून मिळणाऱ्या  दोन किंवा अधिक पर्याया मधून निवड करणे. ऐकायला जरा  विचित्र वाटते ना ? बघा विचार करून.

निवडणूक म्हणजे निवडणूक असते.

प्रत्येक क्षण म्हणजेच फक्त एक निवडणूक असते.

पण आपल्याला मात्र राजकीय निवडणूकच आठवते,

जी दर पाच वर्षांनी येते आणि प्रचाराचा, आरोप -प्रत्यारोपाचा
धुरळा  उडवून देशातील वातावरण प्रदूषित करते.

आपण मात्र निवडणुकीच्या दिवसाला जोडून रजा घेता  येईल का

ह्याचा  विचार,  मत कोणाला द्यायचे ह्या पेक्षा जास्त करतो. 🙂 😦

निवडणुकीतील मत म्हणजे पर्यायाची निवड —

कोण अधिक चांगला किंवा कोण कमी वाईट

किंवा ह्यावर्षी पासून कोणीच नाही (NOTA )

पण आयुष्यातील प्रत्येक क्षणाची निवडणूक करावीच लागते….

हि निवडणूक एव्हडी अंगवळणी पडली आहे कि

हि निवडणूक आहे हेच आपल्या ध्यानी येत नसते. 🙂

सकाळी लवकर उठायचे कि उशिरा, किती वाजता, हसत मुखाने उठायचे कि आळसाने,  गजर लावायचा कि नाही, रिक्षाने  जायचे कि Taxi ने, First क्लासने कि सेकंड क्लासने, लिफ्ट वापरायची कि जिना चढत जायचे, कोणते शिक्षण घ्यायचे, नोकरी करायची कि व्यवसाय, एकत्र राहायचे कि वेगळे, नोकरी करणाऱ्या मुलीशी लग्न करायचे कि बायकोला नोकरी नसली तरी चालेल, पाल्याला कोणत्या शाळेत घालायचे, कोणत्या माध्यमातून शिक्षण द्यायचे. हि जंत्री न संपणारी आहे……

प्रत्येक क्षण येतो ते दोन पर्याय घेऊन
आणि आपण मोकळे होतो मतदान करून.

मतदान मात्र विचारपूर्वकच करावे लागते

नाहीतर आपले आयुष्य काळवंडून जाते.

मित्रानो, पटले तर घ्या नाहीतर वाचलेली पोस्ट  विसरून जा. 🙂

काही लोकांना त्यांनी निवडलेला पर्याय मिळत नाही. त्यामुळे ते नाखूष होतात.  नाउमेद होतात. अश्यावेळी आपल्याला जो पर्याय नशिबाने उपलब्ध झाला आहे, त्यावर प्रेम करा. देवाची – नशिबाची तीच तर योजना असेल. मागितलेले सर्व काही देव देत नाही आणि न मागताही दिल्याशिवाय राहत नाही, याचा अनुभव तुम्ही घेतला असेलच. You may not get what you want in Life, hence you should love what you get in Life. 🙂 वयाच्या आधी आणि लायकी पेक्षा जास्त काही मिळत नसत आणि मिळाले तरी टिकतेच असे नाही.

मित्रानो, बघा विचार करून.

लेखाचे शीर्षक वाचल्यानंतर पुढे वाचायचं कि नाही, हा पर्याय तुमच्याकडे आहेच. 🙂

सुधीर वैद्य

०६-०९-२०१४